Ашагъада язылгъан мектупта "Къырым" гезетесинин аджеле ярдымгъа мухтадж олгъаны бильдириле. Келинъиз берабер, бу газетени насыл къуртарабиледжегимизни тушунейик, ве чаре тапайыкъ.

Sayğılı vatandaşlar, aziz dostlar!

Sizge,
Kırımda çerik yuzyıl devamında yekane bağımsız,
aftada eki kere 3500 ailenin evine abune esasında barıp yetken,
daima milletseverlernin minberi olğan
QIRIM gazetinin muarriri Bekir Mamut muracaat etmekte.

İç bir vakıt Ukrainada eyi olmağan durum, bilesiniz, sonki aylarda her bir cehetten fenalaştı. O da az korüngeni kibi, ülkemizde daa diger hayırsız, muşkül, Vatanımızın takdirine tokunğan vakialar başlandı.
Öz kanunları boyunca ve diger neşirler sırasında QIRIM gazetine, senede 40 bin dollar civarında yardım etken Ukraina devleti, korüne ki, yakın arada bunı endi becermeycek.

Her bir numeranın fiyatı 420 $. Buna kağıt (90 $), neşirge azırlamak (120 $), basmak (110 $) kibi masraflar Jurnalislernin maaşı (ayda 120 dollar musaviy) bunda yok, olarğa abune parasından tölenile. Bu küngece borcğa 17 numera çıkardık. Yarım yılnın sonuna kadar, hısmet olsa, 50 numera olacak, yani, masraflar 21 bin dollarğa baracak.

İç bir zaman kimsenin cebine bakmağan, devlet destegi ve hadimlernin fedaiyliginen yaşağan, çok vatandaşlarımız içün em kitaphane, em muzey, em teatro, amma başta bir cemaa ‘mikrofonı’ olğan QIRIM, Sizin desteginize muhtac. Gazetimizin finans ve diger faaliyeti akkında butün malümatnı sorağanlara bere bilemiz.

Sayğı ve milletimizni aydın künler bekley, degen umüt ile,
1992 seneden QIRIM gazetinede çalışkan, 2000 seneden onın muarriri,
1996 seneden şimdigece Milliy Meclis azası olğan Bekir Mamut.
2014 s. 10 mart.